كورة في العارضة | عاجل.. كهربا يحسم جدل خناقة كولر ورحيله عن الأهلي: «أنا عنيد جدا»

حسم محمود عبدالمنعم كهربا لاعب النادي الأهلي الجدل بشأن رحيله عن القلعة الحمراء بداية من الموسم الجديد بعد تلقيه أكثر من عرض حسب تصريحاته.

وقال كهربا في تصريحاته لبرنامج ملعب أون تايم عبر قناة أون تايم سبورتس : « الأهلي بيتي طول مانا موجود تحخت أمرهم ولكن أنا موجود ومكمل».

وعن أنباء مشاجرته مع كولر رد قائلًا : إشاعات وقصص وأفلام وكل يوم قصة جديدة وأنا بعيد عن السوشيال ميديا معرفش اللي بيتقال وأنا مفيش حاجة خالص عني كلها إشاعات ومكنتش حابب أرد غير بعد انتهاء الدوري بشكل رسمي.

كهربا : أعافر على كل فرصة

وأكمل : «أنا عنيد جدا ومعرفش أكون في مكان ماليش دور ولكني بعافر على كل فرصة وأنا جاهز في أي لحظة أنا جاهز ألعب في أي مركز الأربعة اللي فوق وطول ما فيه منافسة ده من مصلحة الأهلي».

وأختتم  : «أنا على وضعي ومرتاح مفيش أي مشكلة خالص ، ومش هعرف ألعب في أي نادي في الدوري المصري غير الأهلي وجالي عرض قوي جدا ولكن صعب جدا ألعب لأي نادي آخر وجاءت لي عروض أخرى ولكن كانت مش مناسبة ليا».